جسم العرب عطشان (لبنان والسودان و .... )

سداح ويـن انـت يالله قـوم
هات القلـم واكتـب القيفـان
شاعر مخضرم ولالـك تـوم
وابياتـك تحلـل المـيـدان
وش الي حاصل يا مال القوم
نقطة سطر . / والوضع تعبان
تشاد تلعب علـى الخرطـوم
وتقول باي باي يـا سـودان
حرب ودمار وشعب مهمـوم
يصبح بعدها وطـن جيعـان
يشكـي فقـر ويتغـذى لـوم
ويعيش جسم العرب عطشـان
دام السماء ما تجيـه غيـوم
وشلون نسلم من العـدوان ؟
يصدر قـرار وعليـه ختـوم
ويعيش يا (مويس) للنسيـان
امـة بلاهـا تحـب الـعـوم
ما تقـدر تواجـه الطوفـان
لبنان للـي يزيـد السـوم .!
ونقول فتح وحماس اخوان ؟
(سوسو) تخطط بدون رسـوم
وتقول (ميمي) انـا وايـران
بشت السما خربتـه نجـووم
كلـن يبـي غيمتـه شفقـان
نجم ٍ تهـاوى ونجـم يلـوم
هذا ترى الوضع فـي لبنـان
والي على العديّ مو ملـزوم
قامت تحاذف بّـه الكرعـان
شيء ٍ حقيقي وفيـه وسـوم
نفسي ومن بعـدي الطوفـان
(مصالح النـاس) ذا معـدوم
كلن يبـي يصبـح البطـران
نبكي صلاح الفتى الشغمـوم
ومـع ذلـك نقـوم للفنـان
يا ناس قوموا بلاشـي نـوم
بتجيكم الحـرب دون اعـلان
لا ظلّـم الليـل قـام البـوم
وفتح عيونه علـى الأوطـان
شاف الأراضي بدون رجـوم
والأعور يقـود لـه عميـان
قلته وانـا بندقـي مسمـوم
صابت هدف داخـل النيشـان
سلامتكم!!!

الله الله مشكووور
الله يسلمك

تسلم يالله عطنا
يالخوي